لحريرة المغربية

السلام عليكم ورحمة الله تعالى و بركاته

فكوكوط نوضعو الحمص مفسخ قطع اللحم ربيع ولكرافس مقطعين بصلة مشلظة او محكوكة سكين جبير خرقوم ملح شوية تحميرة شوية زعفران ابزار معلقة الزيت

نمرق بلماء غليان نسد لكوكوط حتى يطيب الحمص مع طريفات اللحم

مين يطيب الحمص نوجدو شوية الفورص مطلوق فالماء بارد (انا استعملت 2 معالق كبار متكتروش لفورص باش متجيكمش لحريرة ثقيلة راه كلما غلات لحريرة كلما تتبدا تعقاد )  مطيشة لحك مرطبة فشوية المرق لحريرة مطيشة مصلوقة ومطحونة
طريقة تحضيرها في هذا الرابط http://oumdouae.blogspot.com/2013/06/blog-post_6875.html

فلكوكوط نضيفو خليط لفورص مطيشة مصلوقة مطيشة لحك نوضعو لكوكوط فوق النار مين تبدا تغلى نضيف شعرية وربيع ولكرافس مدقوقين 

غي طيب الشعرية نطفيو عليها 
ثم تقدم

انا رافقتها مع الثمر و الملوي مخمر

بالصحة و الراحة