mercredi 6 mars 2013

حوتة فلفرن بلبصلة و مطيشة و شومبنيون


السلام عليكم ورحمة الله تعالى و بركاته

اولا نغسلو لحوتة ديالنا مزيان نعملو ليها فتحات بلموس نوجدو

الصلصة اللي غادا تشرمل بيها ضامة لبنة لحوت شوية زعتر

حامضة معصرة شوية ملح ابزار كمون ثوم محكوك نخلط الكل

ندهنو لحوتة مزيان بالصلصة من لداخل او من برة او فالفتحات

نغطيوها بورق الامنيوم ندخلوها لفران

فمقلاة نقطعو بصلة شرائح نضيفو ليها شوية زيت لعود نغطيو عليها

حتى تذبال نضيف ليها شومبنيون و نغطي على الكل

من بعد 5 دقائق نضيف ليهم مطيشة محكوكة تحميرة كمون شوية

ابزار 2 فلفلات نص ضامة لبنة لحوت ربيع مقطع ملح ثومة

محكوكة

نغطي على الكل حتى يعقاد الخليط

هدا شكل لحوتة مين طابت

نوضعو فجوانبها لاصوص اللي عقادات و نوضعو شوية من

لاصوص فوق لحوتة نزينها من فوق بالزيتون الاسود و الابيض و تقدم

بالصحة و الراحة


Aucun commentaire:

Enregistrer un commentaire