مملحات راقية باشكال مختلفة

السلام عليكم ورحمة الله تعالى وبركاته

مقادير المملحات : نص كاس عنبة زبدة مذوبة 3 كيسان ونص

فورص معلقة صغيرة خل ضامة لبنة بقري شوية ملح شوية ابزار

نص خمارة 2 فروماجات الماء الدافي لجمع العجين

نصنع من العجين 3 كرات نوضعوهم فبلاستيكة ندخلوهم للثلاجة

صاعة اللا ربع

الشكل 1 نطلقو العجين بين 2 بلاستيكات ندهنوه بمعلقة موطارد

ونرش من فوق هريسة ونقطع بالجرارة كيف موضح فالصورة

ثم نلوي كل شريط صغير نوضعوه فطاوة مرشوشة بالدقيق حتى

نساليو ندخلو الطاوة للفرن يكون سخون من قبل نقصو العافية

هدا شكلهم مين طابو

الشكل ‌2 نفس الطريقة ندهن بلموطارد نرش من فوق فروماج احمر

محكوك ثم نقطع بالجرارة مثلثاث صغار

ثم نلويهم مثل كرواصة نوضعوهم فطاوة مرشوشة بالدقيق ندخلوهم

لفرن

هذا شكلهم مين طابو

الشكل 3 نطلقو العجين دائما بين 2 بلاستيكات نوضعو فنصف العجين

لوز بعد ما نقيناه وحمرناه فلفران على مثل هذا الشكل

نرجع عليها النصف الثاني العجين نضغط فجوانب كل لوزة باش

تبت العجين

ثم نقطع مربعات صغار بالجرارة

نستفوهم فطاوة نوضعو فوق كل مربع شوية موطارد ثم نرش

بالزنجلان ندخلهم لفرن

هدا شكلهم

وهادي الاشكال النهائية نتمنى تجربوهم راهم تيجيو لذاذ

بالصحة و الراحة