كراتان الدنجال معمر بالسردين

السلام عليكم و رحمة الله تعالى و بركاته

ناخدو 2 دنجالات

نقشروهم من بعد نقطعوهم شرائح و نحتفظ بنصف دنجالة 

نقطعها بحال لفريت

نضعهم فماء مملح نضع من فوقهم شي طبسيل باش 

ميطلعوش على سطح الماء نخليهم ربع ساعة

من بعد نقليهم فالزيت سخون بلامنوضعوهم فالدقيق

نضعهم فوق ورق المطبخ

نحضر شرمولة الحوت ربيع مدقوق مع ثوم كمون ملح تحميرة 

عصير حامض شوية زيت لعود سردين نتركهم جانبا

من بعد نوجدو صلصة الطماطم نضع نصف الصلصة فلمول اللي 

تيدخل الفرن هنا رابط الصلصة

http://oumdouae.blogspot.com/2013/03/blog-post_3345.html

ناخد شريحة دنجال نضع فوقها السردين نحيدو ليه الشوك فوقو 

شرمولة

ثم نلوي الدنجال على السردين

نستفوهم فلمول فالجوانب

و الدنجال المقطع بشكل طولي نوضعوه فالوسط

نضع فوقو نصف الصلصة

ندخل المول الفرن مين يطيب نحك فوقو فروماج احمر نوليو 

نرجعوه غي يدوب لفروماج نخرجوه

                                                                 بالصحة و الراحة