السلام عليكم ورحمة الله تعالى وبركاته
لتحضير عجينة لكيش نحتاج:كاس عنبة فورص معلقة كبيرة
زبدة شوية زعتر شوية لملح نص معيلقة صغيرة سنيدة نص
معلقة خمارة الحلوى
نخلط لكل مزيان
من بعد نضيف اصفر بيضة نحتفظ بابيض البيض جانبا نجمع
العجين بالماء الدافي
نلف العجين فلبلاستيك الغذائي ندخلها للثلاجة مدة ثلث
ساعة
نطلق العجين بين 2 بلاستيكات
نلبس العجين لمول فرديين او مول كبير بعد ما دهناه بالزبدة
ورشيناه بلفورص
نتكهم بلفورشيط ثم ندخلهم لفرن يطيبو نص طيبة
بالنسبة للحشو شلظت بصلة فمقلاة مع شوية زيت لعود
وريقات موسى مين ذبالت ضفت ليها قرعة خضرا محكوكة ربيع
مقطع شوية ملح ابزار
مين يطيب الخليط نضيف ليه زيتون مقطع مع الطون
مين نخرجو العجين من لفرن ويبرد نضع فكل مول شوية لعمارة
فايناء نطرب بيضة نضيف ليها ابيض البيض اللي حتافظنا بيه
على جنب نضيف شوية ملح ابزار معلقة كبيرة حليب شوية
كوزة محكوكة
نوزع البيض فوق خليط البصل ندخلهم لفرن مين يطيبو
نحك فوقهم فرماج احمر نوليو نرجعوهم لفران غير يذوب
لفروماج نخرجوهم نزينهم من فوق بخطوط لكيتشب
فطبق نفرش اوراق الخص ثم نضع لكيش ويقدم الشكل الثاني
كان سبقلي درتها فمول كبير
بالصحة و الراحة
Aucun commentaire:
Enregistrer un commentaire