السلام عليكم و رحمة الله تعالى و بركاته
ناخدو لكوكلي ديالنا من بعد ما غسلناه مزيان من الملح
الحامض سكين جبير شوية فورص نخلوه يتسقطر مزيان نوجدو
شرمولة ربيع مقطع 5 فصوص ثوم مدقوقين ربع حامضة مصيرة
مقطعة طريفات صغار ضامة البنة الدجاج سكين جبير ابزار
زعفران شوية خرقوم شوية زعفران حر قبيصة الملح منكتروش
منو باش ميجيش مالح نزيد على شرمولة شوية الما
نمرمرو الكوكلي فشرمولة مزيان من الداخل و من برة نلفوه
فلبلاستيك الغذائي ندخلوه للثلاجة ليلة كاملة باش دخلو
شرمولة
نشلظو بصلة مع وريقات موسى شوية زيت لعود نديروها فوق
نار مهيلة
مين تذبال نضيف ليها شومبنيون ربيع مقطع خيزو قرعة خضرا
محكوكين فص ثوم محكوك ملح نص ضامة البنة دجاج تحميرة
شوية زعفران سكين جبير ابزار خرقوم شوية هريسة نخلط
الكل نغطي عليه على نار مهيلة حتى يطيب
من بعد نضيف ليه زيتون مقطع روز كلاصي مصلوق فرماج حمر محكوك
نخلطو الخليط نجبدو لكوكلي من الثلاجة
نعمروه بالخليط نكتفو ليه رجيلات و لبلاصة المفتوحة نشدوها
بلكيردن
نديروه على صدرو فلكسكاس نغطيو عليه يفور باش نعرفوه
طاب نشدو قطيب الشواء ندخلوه فلكوكلي الى خرج ناشف
نعرفوه طاب الى كان باقي تيخرج من لحمو الما نعرفوه مازال
خاصو طياب
هنا لكوكلي ديالنا مين تفور مزيان نوجدو لكريمة نص معيلقة
تحميرة شوية موطارد شوية زبدة بلدية ربع ضامة البنة الدجاج
نخلطو الكل حتى نحصلو على كريمة
ندهن لكوكلي مزيان نخلوه الفرن يتحمر مين يبان لينا تحمر من
الظهر نقلبوه على صدرو ثم الجناب
فكوكوط نشلظو بصلة نضيف ليها قشيوشات الدجاج مقطعين
ربيع مقطع ثوم محكوك قبييصة الملح شوية كوزة محكوكة
شوية بسيبيسة قعقلة ابزار سكين جبير خرقوم زعفران زيت
العود نديرو الكل يتقلى فوق النار
من بعد نضيف ربع ضامة البنة الدجاج طريف الحامض مصير
مقطع
نمرق بكاس الماء نسد الكوكوط
هاهي المريقة مين طابت و عقدات
فطبق نفرشو اوراق الخص نحطو لكوكلي نفتحوه من الصدر
يزين من الجوانب بدوائر الخيار
ثم نرافقه بلمريقة اللي وجدناها بقشيوشات الدجاج ونقدموه
بالصحة و الراحة
Aucun commentaire:
Enregistrer un commentaire