mardi 26 mars 2013

رغيفة مورقة بلفروماج

 السلام عليكم ورحمة الله تعالى وبركاته

حاجتنا زلافة  دقيق فورص نفس لقياس  دقيق القمح(فينو) شوية ملح شوية خميرة معجونة  الماء الدافي لجمع العجين ندلكوها مزيان حتى تولي لعجينة رطبة نقسموها ل 6 كرات نوضعوهم فبلاطو مفرش بلبلاستيك نغطيو عليهم  نخليوهم يرتاحو
فوق طاولة مرشوشة بالزيت نطلقو فوقها الكرة الاولى شكل مربع حتى ترقاق ندهنو طاوة بزبدة  نوضعو فوقها الرغيفة ندهنوها من فوق بشوية الزبدة مخلطة مع الزيت ونحكومن فوقها شوية فروماج احمر شرائح فروماج سندويش ثم نبسط الكرة الثانية نوضعوها فوق الاولى  نفس الطريقة  ثم 3 و 4 و 5 نحتفظ بالكرة 6 جانبا
مين نوضعو الكرة 5 اللي بسطنا فوق الرغيفة نقسموها على 2 النصف ندهنوه بشوية الزبدة مع الزيت نحك فوقو فروماج كيفما موضح فالصورة  نضع فوقو  النصف الثاني 
 نطلقو الكرة  6 اللي بقات لينا ندهنوها بشوية الزبدة مخلطة مع الزيت نرشوها من فوق بشوية دقيق القمح نوضعو وسطها الرغيفات اللي عملنا وحدة فوق وحدة نحاولو نلمطوها كيفما مبين فالصورة


 نوضعوها فطاوة  نكرصوها شوية ندهنوها من فوق بشوية الزبدة نغطيوها بلبلاستيك الغذائي نخليوها تخمر شوية 
 ندخلوها لفران يكون سخون من قبل نقصو عليها لعافية  هذا شكلها مين طابت
ثم تقدم

بالصحة و الراحة

Aucun commentaire:

Enregistrer un commentaire