وريدات بلكاشير و شكيلات اخرى من يدين ام دعاء

السلام عليكم و رحمة الله تعالى و بركاته

العجين نحتاج زلافة فورص ربع بصلة محكوكة فحكاكة رقيقة 

فص ثوم محكوك معلقة زيت لعود ومعيلقة زبدة شوية ابزار 

شوية ملح شوية سنيدة معلقة حليب غبرة بيضة شوية خميرة 

الخبز الماء دافي لجمع العجين

نحربل العجين نقطعها ل 5 قطع

نوضعوهم فبلاطو نغطيو عليهم بلبلاستيك غدائي نخليوهم يرتاحو

من بعد ما رتاحو

نطلق القطعة الاولى بشكل طولي نضع 5 او 6 دوائر الكاشير فوق العجين كيف موضح فالصورة

نلوي العجين

لتعطينا شكل وردة نقطع العجين الزائد باش توقف الوردة متجيش مايلة

الشكل الثاني نطلق العجين شكل مربع نحط مربع فروماج فوقو دائرة كاشير فوقو شوية زيتون مقطع

نرجع عليهى نصف العجين

نقطعه مربعات بالجرارة

الشكل الثالث نبسط العجين شكل طولي نحك فوقو كاشير

نلوي العجين

نقطعهم مثل الشنيك نضعهم فطاوة مدهونة بالزبدة مرشوشة بالطحين

نخليوهم يخمرو من بعد ندهنهم بالبيض مخلط مع قطرات الخل ندخلوهم الفران مين يطيبو نحك فوقهم فروماج نوليو نرجعهم الفران غي يدوب لفروماج نخرجوهم نقدمهم فطبق نزينهم بخطوط صلصة الكيتشوب

بالصحة و الراحة