mardi 19 mars 2013

كرواصون لذيذة بطريقة سهلة

السلام عليكم ورحمة الله تعالى وبركاته
 المقادير نحتاج : بيضة معلقة صغيرة خميرة الحلوى شوية خميرة الخبز 2 معالق كبار زبدة قشور حامضة محكوكة كاس قريب لعمارة سنيدة قبيصة ملح 3 كيسان عامرين لفورص الحليب الدافي لجمع العجين

فقصعة نوضعو الدقيق لخميرة مذوبة فشوية لحليب نضيف باقي المقادير ونحتفظ بالزبدة على جنب نبقاو نزيدو لحليب شوية بشوية حتى يتجمع العجين ندلكوها مزيان في الاخير نضيف الزبدة بشوية بشوية نحاولو ندخلوها فالعجين حتى نساليو كمية الزبدة اللي عندنا راه لعجينة تتبقا تلصق فاليدين ندهنو سوبيرة بشوية الزبدة نوضعو فيها العجين نغطيو عليها ترتاح نص ساعة


 من بعد نشكلوها كرات نخليوها ترتاح نص ساعة
 ناخدو لكرة الاولى نرشو من تحتها او من فوق شوية فورص باش متلصقش  نطلقوها بلمدلك ندهنوها من فوق بشوية الزبدة مخلطة مع الزيت ونبدا نلوي فكل شريط يمكن ليكم توضعو قطعة الشكلاط او معيلقة كونفتير او كريم باتيسييروتبداو تلويو كل شريط
 غادين نحصلو على كرواصون مثل هذا الشكل
 نوضعوهم فطاوة مدهونة بالزبدة مرشوشة بالدقيق نستفو لكرواصون دياولنا نغطيو عليهم يخمرو مزيان
 مين يخمرو ندهنهم باصفر البيض مخلط مع شوية نيسكافي وقطيرات لخل
 ندخلوهم لفران يكون سخون من قبل هذا شكلهم مين طابو
 ندهنوهم بلكونفتير او لعسل نوضعو فوقهم شكلاط اسود محكوك ونغبرهم بالسكر الصقيل ونقدمهم فطبق
 هدا شكلهم من الداخل
بالصحة و الراحة

2 commentaires:

  1. salam mouna wa che be el 3ajin el mowara9 eli kaye teba3 fe super mercado tesela7 ne croiaso
    alala tebarkelah 3elik chi hiwatek kolhom fenin
    om ramzi

    RépondreSupprimer
  2. oui khti nadia tjik ghzala omwar9a jarbiha orodi aliya lkhbar

    RépondreSupprimer