mardi 4 février 2014

طريقتي في ترقاد الحامض

السلام عليكم ورحمة الله تعالى وبركاته
كيف حالكم اخواتي نتمنى تكونو على خير ليوم جبت ليكم طريقة سهلة وسريعة  دغيا تيوجد بيها الحامض نبداو على بركة الله
 غاديا نوريكم الطريقة ب 4 حامضات وانتم استعملو الكمية اللي بغيتو 
اولا غادين ناخدو حبات الحامض نغسلوهم مزيان ونبيتوهم فالمجمد ليلة كاملة (يجمدو مزيان ) من بعد نخرجوهم من المجمد ونخليوهم على برة يطلقومين غادي يحيد منهم الثلج نحاولو نرطبوهم بيدينا بالضغط عليهم 
 من بعد نفلحوهم على 4 بلا منوصلو بلموس تحت الحامضة ونعمرو كل حامضة مزيان بالملح كيفما موضح فالصورة
 ناخدو قريعة الزجاج نوضعوفقاعها شوية الملح
 ونستفو فيها الحامض تكون فتحة الحامض من فوق نرشو من فوق الملح
 نسدو عليها مزيان بلا مانضيفو الماء حيت الحامض مع الملح غادين يطلقو الماء وفيه غادي يتعسل الحامض
وهذا شكله مين وجد 
نتمنى تجربوه ان شاء الله تعجبكم طريقتي 
بصحتكم او راحتكم
مرسلة بواسطة في

1 commentaire:

Inscription à : Publier les commentaires (Atom)